پروفیسرخورشیداحمد عالمی شہرت کے ماہر تعلیم، ماہر اقتصادیات ، ہمہ گیر مصنف اور ایک مبلغ اسلام ہیں۔ آپ 23مارچ  1932  ء کودہلی میں پیدا ہوئے۔آپ نے قانون اور اس کے مبادیات میں گریجویشن کی ڈگری حاصل کی ہے۔ اکنامکس اور اسلامیات میں ایم اے کی ڈگری حاصل کی، جبکہ ایجوکیشن میں یونیورسٹی کی طرف سے انہیں اعزازی ڈگری عطا کی گئی۔

پروفیسرصاحب کی اسلام ، تعلیم،عالمی اقتصادیات اور مجموعی اسلامی معاشرے کے لیے سرانجام دی جانے والی خدمات کا احاطہ بہت مشکل ہے۔ جس امتیازی وصف  نے پروفیسر صاحب کو قومی وبین الاقوامی سطح پر ممتاز مقام عطا کیا ہے وہ ان کا مشرقی ومغربی فلسفوں  کا گہراتقابلی مطالعہ ، اسلام سے ان کی کامل وابستگی، دین، تعلیم وتدریس، اقتصادیات اورآئینی معاملات ہیں۔

پروفیسر خورشید احمد صاحب کی چیدہ چیدہ علمی خدمات کا اجمالی خاکہ اس طرح ہے۔

• پروفیسر صاحب 1978 ء میں وفاقی وزیرمنصوبہ بندی وترقی رہے ہیں. وہ حکومت پاکستان کے پلاننگ کمیشن کے ڈپٹی چیئرمین بھی رہےہیں۔

• ایک ماہر تعلیم کی حیثیت سے انہوں نے 1955 ء سے لے کر 1958 ء تک کراچی یونیورسٹی میں پڑھایا۔
• آپ یونیورسٹی آف لیسٹر میں ریسرچ سکالر بھی رہے ہیں۔
•  1983 ء سے 1987 ء تک آپ انٹرنیشنل اسلامک یونیورسٹی اسلام آباد کے بین الاقوامی انسٹیٹیوٹ آف اکنامکس کے چیئرمین رہے۔
•   1984  ء سے 1992 ءتک آپ انٹرنیشنل سنٹر فارریسرچ اِن اسلامک اکنامکس لیسٹر کے ایڈوائزری بورڈ کے ممبر رہے ہیں
•  1979 ء سے 1983 ء تک شاہ عبدالعزیز یونیورسٹی جدہ کے وائس پریزیڈنٹ رہے۔
•  1974 ء سے 1978  ء تک اسٹینڈنگ کانفرنس آن جیوز، کرسچن، اینڈ مسلمزاِن یورپ برلن اینڈ لنڈن کے وائس پریذیڈنٹ رہے۔
•  پروفیسر صاحب Center for the study of islam and Christian - Muslim   Relations, Silly Oak colleges, Birmingham, UK1976 - 78  کی ایڈوائزری کونسل کے ممبر بھی رہےہیں۔
•  1978 ء سے لے کر 1983 ء تک قومی ہجرہ کمیٹی کے رکن رہے۔
•   1986 ء اور 1987 ء میں سوڈان کے اسلامی قوانین کا جائزہ لینے والی قانون دانوں کی کمیٹی کے رکن رہے۔
•  1988 ء اور  1989 ء میں اسلامی ترقیاتی بینک جدہ کے ریسرچ اینڈ ٹریننگ انسٹیٹیوٹ کی جائزہ کمیٹی کےممبر رہے۔
• آپ  1985 ،1997 اور 2002 ء میں سینٹ آف پاکستان کے رکن منتخب ہوئے اورسینٹ کی قائمہ کمیٹی برائے امور اقتصادی و منصوبہ بندی کے چیئرمین کے طور پر کام بھی کیا۔
• پروفیسرخورشیدصاحب دو اداروں کے بانی چیئرمین ہیں۔ایک انسٹیٹیوٹ آف پالیسی سٹڈیز اسلام آباد، دوسرا لیسٹر(یوکے) کی اسلامک فاؤنڈیشن۔
• آپ اسلامک سنٹر زاریا (نائجیریا) ،بین الاقوامی اسلامی یونیورسٹی اسلام آباد، فاؤنڈیشن کونسل، رائل اکیڈمی فار اسلامک سولائزیشن عمان(اردن)کے بورڈ آف ٹرسٹیز کے رکن جبکہ اسلامک ریسرچ اکیڈمی کراچی اور لاہور کے وائس پریذیڈنٹ ہیں۔
پروفیسر صاحب متعدد نظریاتی موضوعات پر مبنی رسائل وجرائد کی ادارت کرچکے ہیں۔ آپ نے اردو اور انگریزی میں سترکتابیں تصنیف کی ہیں۔ کئی رسائل میں اپنی نگارشات عطا کر چکےہیں۔ آپ سوسے زائد بین الاقوامی کانفرنسوں اور سیمینارز میں ذاتی حیثیت میں یا نمائندہ کی حیثیت سے شریک ہوچکےہیں۔آپ نے پہلی مرتبہ اسلامی معاشیات کو بطورعلمی شعبہ کے ترقی دی۔ آپ کے اس کارنامے کے پیش نظر 1988 ء میں پہلا اسلامی ترقیاتی بینک ایوارڈآپ کو عطاکیا گیا۔ آپ کے کارناموں کے اعتراف میں 1990 ء میں شاہ فیصل بین الاقوامی ایوارڈ عطاکیا گیا۔اسلامی اقتصادیات  ومالیات کے شعبے میں خدمات کے اعتراف میں آپ کو جولائی 1998 ء میں پانچواں سالانہ امریکن فنانس ہاؤس لاربوٰ یوایس اے پرائز دیاگیا۔ پروفیسر خورشید احمد 1949 ء میں اسلامی جمعیت طلبہ کے رکن بنے۔ 1953 ء میں آپ کو ناظم اعلٰی منتخب کیاگیا۔ 1956 ء میں آپ جماعت اسلامی میں باضابطہ طور پر شامل ہوگئے۔ دوسری بہت سی مصروفیات کےعلاوہ فی الوقت آپ جماعت اسلامی کے ترجمان ماہنامہ ترجمان القرآن کے مدیر ہیں

  پروفیسرغفوراحمد پاکستانی سیاستدانوں میں بے حد محترم       شخصیت  ہیں۔ آپ 26 جون1927ء کوبریلی یوپی انڈیا میں پیدا ہوئے۔ 1948ء میں آپ نے لکھنؤ یونیورسٹی سے کامرس میں ماسٹر کی ڈگری حاصل کی۔ بعد ازاں انڈسٹریل اکاؤنٹس کا کورس مکمل کیا اور انسٹیٹیوٹ آف کاسٹ اینڈ مینیجمنٹ اکاؤنٹس کے فیلو ہوگئے۔
تجارتی اداروں میں کام کرنے کے علاوہ آپ نے متعدد تعلیمی اداروں میں بھی پڑھایا۔ ان میں انسٹیٹیوٹ آف چارٹرڈ اکاؤنٹس پاکستان،انسٹیٹیوٹ آف انڈسٹریل اکاؤنٹس اور اردو کالج کراچی شامل ہیں۔ تعلیمی و تدریسی سرگرمیوں میں دلچسپی اور شغف کی بنا پرآپ کئی برس تک سندھ یونیورسٹی، کراچی یونیورسٹی اور سندھ یونیورسٹی بورڈ فار کامرس کے نصاب سے منسلک رہے۔
پروفیسرغفوراحمد1950 ء میں23  برس کی عمر میں جماعت اسلامی کے رکن بنے۔ آپ کئی برس تک کراچی جماعت کے امیر رہےاوراب مدت دراز سے مرکزی نائب امیر جماعت کے طور پر کام کر رہے ہیں۔ آپ نے شروع ہی سے سیاست میں سرگرمی سے حصہ لیا۔    1958 ء میں کراچی میونسپل کارپوریشن کے ممبر منتخب ہوئے۔ بعد میں 1970 ء میں قومی اسمبلی کے رکن منتخب ہوئے۔
1977ء میں وہ دوبارہ قومی اسمبلی کے رکن منتخب ہوئےاور جماعت اسلامی کی پارلیمانی پارٹی کے قائد بھی بنائے گئے۔آپ یونائیٹڈ ڈیموکریٹک الائنس اور پاکستان قومی اتحاد کے سیکرٹری جنرل بھی رہے۔ آپ قومی اتحاد کی اس مذاکرتی ٹیم میں شامل تھے کہ جس نے ذوالفقارعلی بھٹو سے مارشل لا کے نفاذ سے پہلے فیصلہ کن مذاکرات کیے۔
1978 ء سے لے کر1979ء تک آپ محض پاکستان قومی اتحاد کی قیادت کےحکم کی تعمیل میں بادل نخواستہ وفاقی وزیر صنعت رہے۔ بعد ازاں 1988 ء سے لے کر1992 ء تک اسلامی جمہوری محاذ کے سیکرٹری جنرل کے طور پرکام کیا۔ اپنے طویل سیاسی سفر میں وہ متعدد بار گرفتار ہوئے۔ گرفتاری کا طویل ترین دورانیہ نومہینے کا وہ عرصہ ہے جب جماعت اسلامی کو غیر قانونی قرار دیاگیا تھا اور پھر سپریم کورٹ آف پاکستان نے اسے بحال کیا تھا۔
پروفیسر غفوراحمد پانچ کتابوں کے مصنف ہیں جوپاکستانی سیاست سے متعلق ہیں۔ پروفیسر صاحب اپنے متحمل جمہوری مزاج اور معتدل طبیعت کے باعث سیاسی حلقوں میں مقبول ہیں

چوہدری رحمت الٰہی جہلم(پنجاب) میں 1923 ء میں پیدا ہوئے۔ گریجویشن کرنے کے بعد فوج میں ملازمت اختیار کرلی۔ چونکہ ذہن وفکر پر دینی تعلیمات کا گہرا اثر تھا اور بالخصوص تحریک اسلامی سے وابستگی سے ان کے خیالات میں مزید پختگی اور دین سے قربت پیدا ہوئی اس لیے اس ملازمت پر زیادہ عرصہ برقرار نہ رہ سکے ۔اور بالآخر 1951 ء میں استعفٰی دے دیا۔ وہ 1947 ء میں جماعت اسلامی کے رکن بنے۔
تحریک پاکستان میں جماعت کی طرف سے دار السلام پٹھان کوٹ (انڈیا) میں مہاجرین کی نگہداشت،خدمت اوران کو مشرقی پاکستان کی سرحد سے بحفاظت پاکستان پہنچانے کی ذمہ داری سونپی گئی۔ چوہدری صاحب نے قیام پاکستان کےبعد بھی لاہور کے گرد ونواح میں آباد ہونے والے مہاجرین کی بحالی کے لیے گراں قدر خدمات انجام دیں۔آپ ان خاموش طبع، گمنام اور سرگرم کارکنان میں سے ہیں کہ جن کی نظرفقط رضائے الٰہی پرمرکوز ہوتی ہے۔ چوہدری صاحب نے انتہائی مشکل اور دور ابتلا میں اہل حق کے ہراول دستے میں نمایاں خدمات انجام دیں۔
1953 ء کی تحریک ختم نبوت میں سیدابوالاعلٰی مودودی اور میاں طفیل صاحب کی گرفتاری کے دوران قائم مقام قیم جماعت اسلامی کی ذمہ داری ادا کی۔
 1957ء، 1965 ء، 1978 ء میں قیم جماعت اسلامی پاکستان رہے۔ان تمام دورانیوں کو ملاکر تقریباً تیرہ برس تک بحیثیت قیم جماعت خدمات انجام دے چکے ہیں۔
1979ء میں وہ نائب امیر جماعت اسلامی پاکستان مقررہوئے، اس دوران امیر جماعت کی غیر موجودگی میں متعدد دفعہ قائم مقام امیر جماعت کی ذمہ داری بھی ادا کی۔ 1960ء کی دہائی میں محترمہ فاطمہ جناح اور ایوب خان کے درمیان انتخابی مہم میں جماعت کے حوالے سے بہت اہم کردار ادا کیا۔ چوہدری رحمت الٰہی1977 ء میں پاکستان قومی اتحاد (پی این اے)کےپارلیمانی بورڈ کے ممبر رہے،اورتحریک نفاذ نظام مصطفٰی میں انہیں دوبار گرفتار کرکے جیل میں ڈالاگیا۔ انہوں نے پی این اے کے قائم مقام جنرل سیکرٹری کی حیثیت سے راولپنڈی میں لانگ مارچ کی قیادت کی۔
جب پاکستان قومی اتحاد (پی این اے) 1978 ء میں حکومت میں شامل ہوا تو چوہدری صاحب بجلی اورقدرتی وسائل کے وزیر بنائے گئے۔ نوماہ کے مختصر عرصے میں پی این اے نے پاکستان کو جمہوریت کی راہ پر ڈالنے کی بھرپور کوشش کی۔ اسلامائزیشن کے عمل کو شروع کیاگیا جو بعد میں حدودآرڈینینس،زکٰوۃ،معیشت سے سود کے خاتمے کا فیصلہ، تعلیمی پالیسی کی تشکیل،وفاقی شرعی عدالت کی تشکیل، جس میں قرآن و سنت کے خلاف قوانین کو چیلنج کیاجاسکتا ہے،عمل میں لائے گئے۔اس کے علاوہ دیگربہت سارے اقدامات کیے گئے۔
نائب امیر جماعت اسلامی کی حیثیت سے چوہدری رحمت الٰہی جماعت اسلامی کی مزدور، کسان تنظیموں، مالیاتی شعبے اور اسلامی تعلیمی سوسائٹی کی خاص طور پر نگرانی کرتے رہے۔
چوہدری رحمت الٰہی نے کئی مرتبہ بیرونی سفرکیے، کئی یورپی اور مشرق وسطٰی کے ممالک کاسفر کیا ہے۔اپنی مادری زبان پنجابی کے علاوہ اردواورانگریزی میں بھی مہارت رکھتے ہیں۔

        چوہدری محمد اسلم سلیمی
     نائب امیرجماعت اسلامی پاکستان

حافظ محمد ادریس
نائب امیر جماعت اسلامی پاکستان

حافظ محمدادریس ضلع گجرات کے ایک مذہبی اورتحریکی گھرانے میں7 اکتوبر1945 ء کوپیدا ہوئے. ان کے والد میاں  فیض محی الدین جماعت اسلامی کے مقامی امیررہے،اپنے قصبے کی ممتاز شخصیت  اور علاقے کے لوگوں میں بہت عزت کی نگاہ سے دیکھے جاتے ہیں۔ میاں صاحب مولانامودودی کے ابتدائی ساتھیوں اور جماعت اسلامی کے مشکل ادوار کے معاونین میں سے ہیں۔
حافظ محمدادریس نے ابتدائی تعلیم مقامی سکولوں سےحاصل کی۔ اس سے قبل انہوں نے نو سال کی عمر میں قرآن مجید حفظ کیا۔ وہ ایک ذہین اور محنتی طالب علم تھے اور ان کی تعلیمی زندگی بے شمار کامیابیوں سے مزین ہے ۔انہوں نے اپنی تعلیمی زندگی کے تمام امتحانات میں نمایاں پوزیشن حاصل کی اورپرائمری سے لے کر ایم اے تک ہر امتحان میں مختلف وظائف اور میڈلز جیتے۔ حافظ صاحب کو 1967 ء میں گورنمنٹ کالج لاہور میں بی اے میں گولڈ میڈل دیاگیا۔ انہوں نے1969 ء میں پنجاب یونیورسٹی سے ایم اے عربی میں پہلی پوزیشن اورگولڈ میڈل حاصل کیا اور پھر1971 ء میں جامعہ پنجاب ہی سے ایم اے اسلامیات کیا۔
حافظ محمد ادریس بچپن سے ہی دعوتِ دین میں دلچسپی رکھتے تھے. وہ اسلامی جمعیت طلبہ پاکستان کے سرگرم ممبراورصوبہ وسط مغربی(جو پنجاب پر مشتمل ہوا کرتا تھا) و لاہور جمعیت کے ناظم رہے۔ 1968 ء سے 1970 ء تک اسلامی جمعیت طلبہ پاکستان کی مرکزی  شورٰی کے ممبر رہے۔ 1970 ء میں پنجاب یونیورسٹی میں سٹوڈنٹ یونین کے صدر منتخب ہوئے۔1971میں جماعت اسلامی پاکستان کے رکن بنے۔ خدمت اور دعوت دین کا جذبہ دیکھتے ہوئےبانی جماعت اسلامی مولانا سید ابوالاعلٰی مودودی نے انہیں نیروبی، کینیا(افریقہ) میں دعوت اسلامی کا فریضہ سونپا۔ 1974 ء سے لے کر1985 ء تک انہوں نے نیروبی(کینیا)میں اسلامک فاؤنڈیشن کے ڈائریکٹرکی حیثیت سے خدمات انجام دیں۔ نیروبی میں قیام کے دوران انہوں نے بےشمار تعلیمی،رفاہی اور ابلاغیاتی مہمات شروع کیں تاکہ افریقہ کے لوگوں میں علم اور اسلام کی روشنی کو پھیلایاجائے۔
نومبر1985 ء میں پاکستان واپسی پر ان کو جماعت اسلامی پاکستان کا نائب قیم مقرر کیا گیا۔1991 ء میں وہ صوبہ پنجاب کے امیر منتخب ہوئے اور ستمبر2003 ء تک چار مرتبہ امیر جماعت اسلامی صوبہ پنجاب منتخب ہوتے رہے۔بعد ازاں انہوں نے اس ذمہ داری سے استعفٰی دے ک